SKREF Í RÉTTA ÁTT...

Loksins er eitthvað að gerast sem stefnir í rétta átt og átti að vera búið að gera fyrir löngu síðan. Lýðræðið sigrast að lokum, vonandi allavega, og það sem fyrst.

Persónukjör í kosningunum?

Íslendingar á leið til Kanada.

Kanada er stórkostlegt land með miklum möguleikum. Ég bjó í Vancouver bc. í Kanada í eitt ár og það var æðislegt. Fólkið í Kanada er gott og vingjarnlegt, landið stórbrotið og stórkostlegt. Það er mjög svo fjölskylduvænt samfélag í Kanada og ódýrt að lifa þar. Þeir sem flytja til Kanada verða ekki fyrir vonbrigðum og get varla ímyndað mér að einhver snúi heim til Íslands aftur, það sem dró mig heim aftur voru börnin mín hér heima og barnabörnin mín, eini gallinn við Kanada er að landið er of langt í burtu frá Íslandi. Það er dýrt að ferðast eins og við vitum og langt ferðalag til Kanada. Samkeppni er mikil  á milli stórmarkaðanna og kúnninn er númer eitt. Costco var sá stórmarkaður sem ég verslaði mest í, enda hægt að gera frábær kaup þar fyrir heimilið. Það verður enginn vonsvikinn á að hafa búið í Canada.  Ég held að ég fari bara aftur þangað, svei mér þá. MÆLI MEÐ KANADA. *****

Íslendingar á leið til Kanada

Láta karpið bíða.

Flott hjá henni Ragnheiði Ólafsdóttur að skamma þingmenn aðeins. Alveg er ég sammála því sem hún segir að þingmenn ættu að fara að koma sér að verki og hætta þessu karpi, láta karpið bíða þar til kostningar verða. Þingmenn eru eins og smábörn núna þessa dagana.

Látið karpið bíða til kosningabaráttunnar

Fólkið sem er í vinnu hjá okkur...

Það eru fleiri, fleiri fjölskyldur sem berjast fyrir því að halda lífi hér í þessu landi okkar. Barnafjölskyldur, öryrkjar, eldri borgarar o.fl.  Það heyrist afskaplega lítið frá Alþingi hvað á að gera til að aðstoða þá sem eru að missa fasteignir sínar, húsnæðislánin eru að yfirbuga marga svo ég tali nú ekki um bílalánin sem gjörsamlega eru að setja marga í þrot. Fólk lifir á yfirdrætti til að draga fram lífið, fólk er orðið atvinnulaust, sumir fá ekki einu sinni atvinnuleysisbætur. Það stendur til að fara að veiða hval, byggja upp atvinnu fyrir fólk sem hefur enga vinnu, fyrir fólk sem hefur jafnvel yfirdrátt frá banka sem  er það eina sem reddar þessu fólki til að eiga fyrir mat og jafnvel þetta sama fólk er búið að stóla á það að fá atvinnu í vor þegar verður að fara að veiða hval, ef það verður, á Akranesi og í Hvalfirðinum.  En hvað gerist þá ? Jú, VG eru æfir og ætla að stoppa allar hvalveiðar AF. Það er búið að byggja upp bæði á Akranesi og í Hvalfirðinum varðandi það að fara að veiða hval, iðnaðarmenn búnir að vera í allan vetur að vinna á fullu við þessar framkvæmdir, laga og breyta til að það verði allt klárt fyrir hvalveiðarnar. Þá koma VG og segja NEI.  EKKI HVAL TAKK, kæru landsmenn ! 

Hvað er að hjá VG ?  Ég hélt að nýja ríkisstjórnin ætlaði að bjarga því sem hægt væri að bjarga fyrir horn á áttatíu dögum.  Svei mér þá, ég held að það hefði verið betra að senda þá umhverfis jörðina á áttatíu dögum, þeir hefðu getað komið til baka þegar búið væri að taka til hér á landi og komið almennilegt fólk við stjórn,þá yrði búið að fá nýtt fólk við stjórn, sem þyrstir ekki í völd, eins og þessir flokkar hér í landinu, sem sækjast eingöngu eftir valdi, eins og hefur sýnt sig og heldur áfram að sýna sig, hjá nýju stjórninni.

Ég sendi tölvupóst á ellefu þingmenn og bað þá um að svara mér skýrt með það. Hvað ætti að gera til að hjálpa þeim sem væru á barmi gjaldþrots hér útí þjóðfélaginu, barnafjölskyldur sem eiga ekki fyrir mat handa börnunum sínum ???    Af þessum ellefu þingmönnum svaraði mér bara einn þingmaður, hugsið ykkur EINN ÞINGMAÐUR. Og hann sagði mér að það væru þúsundir manna hér í þjóðfélaginu sem svona væri statt fyrir, hann hafði í rauninni ekkert annað svar nema jú að bankarnir í dag stæðu mjög höllum fæti, sem sé nýju bankarnir. En það var vitað að svo yrði með bankana. 

Ég er ekki sú sem gefst svo auðveldlega upp, en það get ég svarið fyrir að ég er búin að missa alla trú á þetta fólk sem er á Alþingi í dag.

Lifið heil.

Óréttlæti og aftur óréttlæti.

 

 

Óréttlæti og það þvílíkt !  

Skerða lífeyri um allt að 10%

Veikindi Geirs H Haarde og Ingibjargar Sólrúnar.

Er ekki í lagi með þá mótmælendur sem svona tala. Hvar er þroskinn hjá þeim, eða er þetta fólk á einhverju, sem lætur svona lagað út sér um veikt fólk ? Krabbamein er ekkert grín að eiga við og getur auðveldlega dregið mann til dauða. Og það að tala með þessum hroka og viðbjóði, ætla ég að leyfa mér að segja, við erlent fréttafólk sem er statt hér á landi til þess að fylgjast með öllu því sem er að gerast hér á landi varðandi kreppuna og bankahrunið, ég á bara ekki til orð.Hvað er að ? Ég skammast mín fyrir þá Íslendinga sem svona tala. Við skulum athuga það að stjórnmálamenn eiga fjölskyldur, stjórnmálamenn eru ekki dauðir hlutir sem hægt er að henda skít í eða einhverju öðru enn þá verra. Það er sjálfsagður hlutur að mótmæla, en þegar mótmælin eru komin út fyrir öll velsæmismörk og siðleysi, eru það ekki lengur mótmæli, heldur ofbeldi og einelti. Skammist ykkar, þið sem talið svona um veikt fólk, já ég sagði veikt fólk, en ekki veikar skepnur.  Það vill nú þannig til að stjórnmálamenn eru fólk, en ekki skepnur.

„Ekki farin að finna til með honum ennþá“

Sigmundi Erni sagt upp hjá Stöð 2 ... ?

Ég var mjög hissa á að lesa þessa frétt um uppsögn Sigmundar Ernis á Stöð 2. Það er mikil eftirsjá af Sigmundi Erni sem fréttaþul úr fréttatíma Stöðvar 2, ég tel hann og Eddu Andrésdóttur þá albestu fréttaþuli sem Stöð 2 hefur í dag.  Ekki veit ég um hvað málið snýst varðandi uppsögn þeirra hjóna Sigmundar Ernis og Elínar, en get mér til um það að það sé pólitískt. Ég vildi gjarnan vita ástæðu þess af hverju honum og konu hans var sagt upp störfum, en kannski kemur ekki fram nein skýring, öllu haldið leyndu. Vil bara koma því fram hér að Sigmundur Ernir Rúnarsson, Edda Andrésdóttir hjá Stöð 2, Elín Hirst og Bogi Ágústsson hjá Sjónvarpinu, eru þeir albestu fréttaþulir sem við höfum í dag.  Hvað er í gangi hjá Stöð 2, er það stjórnleysið kannski, eins og Sigmundur Ernir nefnir ?  Er allt orðið gjörsamlega stjórnlaust hér í þessu landi okkar ?

Frjáls undan oki auðjöfra

Blóðugt...

Á sama tíma hirðir Landsbankinn hverja einustu krónu af syni mínum sem er fjögra barna faðir,  uppí afborgun á skuldum sem Landsbankinn lánaði honum þegar hann stofnaði sitt fyrirtæki sem stóð vel undir sínu þar til bankarnir fóru á hausinn, og fyrirtækið hjá syni mínum fékk ekki greitt fyrir sína útseldu vinnu frá þeim sem hann og fyrirtækið átti í viðskiptum við, það eru menn útí bæ sem geta ekki borgað reikninginn til hans. Landsbankinn tekur öll launin hans uppí skuldina.  Hvernig á þetta að geta gengið upp ?  Á fólk að svelta ? Hvað er að ráðamönnum þjóðarinnar ?  Núna er Landsbankinn sem er ríkiseign, tilbúinn að lána deCODE 1,4 milljarða króna.  Er fólk hissa á því að allt sé brjálað á Austurvelli ...  ????????  Þetta á eftir að VERSNA, vitið þið til !   Viðskiptaráðherra viltu fara að vakna... og gera eitthvað vitlegt ?

deCODE semur við Landsbanka

Þetta er allt rétt að byrja hjá okkur...

Það eru ekki bara þessi háhýsi og stóru flottir turnar sem standa nú í kreppunni og allt orðið stopp, engar framkvæmdir hægt að sjá á þessum byggingum um alla höfuðborgina. Sárlegast finnst mér að horfa uppá það fjölskyldufólk sem byggðu sér húsin sín og geta ekki klárað að byggja. Sumt af þessu fólki er flutt inn í húsin sín með plast fyrir gluggum en ekki gler í gluggum eins og við eigum að venjast. Þetta fólk reynir að bjarga sér og flytur inn í hálfkláruð húsin sín sem er aðeins meira en fokheld. Ég gæti trúað því að það gnauði ansi vel inn um gluggana hjá þessu fólki sem hefur plast í gluggunum í staðinn fyrir gler,  þetta fólk er komið í strand. Og verið þið viss um það, að þetta á bara eftir að versna hjá mörgum okkar hér á Íslandinu okkar góða.  Ég held að ráðmenn þjóðarinnar ættu að fara að horfa í kringum sig og fara að kynna sér það hvernig komið er fyrir mörgum hérna, þá sérstaklega að kynna sér það hvernig ungu fjölskyldurnar koma sér áfram. Hvað með þessar fjölskyldur, hvað með öll börnin sem búa í þessu landi.  Hvernig þjóðfélag viljum við, er það svona þjóðfélag sem við viljum búa í ? Ástandið í þjóðfélaginu er orðið mjög alvarlegt.  Þessi stjórn sem er við völd núna hér á landi, getum við ekki treyst lengur. Og þessi flokkastefna í þessu landi er löngu orðin úrelt, þar reynir hver að ota sínum tota, algjör valdafíkn og enginn sýnir neina ábyrgð. Burt með flokkana og kjósum persónur.

Lifið heil.

Táknmynd góðæris eða kreppu

Lífsreglur.

 Mig langar að birta hérna á síðunni minni ljóð eftir Guðfinnu Þorsteinsdóttur, en hún notaði skáldkonu nafnið ERLA. Það er heilmargt til í þessu ljóði hennar Erlu, sem mörgum væri holt að fara eftir í dag og reyndar alltaf. Þessi skáldkona er í miklu uppáhaldi hjá mér. 

LÍFSREGLUR.

Vertu alltaf hress í huga,

hvað sem kann að mæta þér.

Lát ei sorg né böl þig buga,

baggi margra þungur er

treystu því, að þér á herðar

þyngri byrði ' ei varpað er

en þú hefur afl að bera.

Orka blundar nóg í þér ...

Fyrr en harða fellir dóma,

fara skaltu ' í sjálfs þín barm

margur dregst með djúpar undir

dylur margan sáran barm.

Dæmdu vægt þíns bróður bresti ;

breyskum verður sitthvað á.

Mannúðlega ' og milda dóma

muntu sjálfur kjósa fá.

Lifið heil.