Bannað að reykja á almannafæri

Ég get ekki orða bundist yfir fáánleikanum og þeirri hugmynd hjá þessum þingmönnum að fara að selja tóbak í apótekum. Hvað eru þessir þingmenn að hugsa, á ekki líka að banna fólki að drekka áfengi á almannafæri ? Halda þessir þingmenn virkilega að svona eigi að fara að því að sporna við tóbaksnotkun hjá þeim landsmönnum sem nota tóbak ? Þetta er komið út í öfgar algjörlega. Ég held að þessir þingmenn sem leggja þetta til ættu að spá í læknadómið og eiturlyfin sem flæða hér um allt í landinu. Nei, þá er ráðist á tóbakið. Hvað verður það næst hjá þingmönnunum ? Ég er alls ekki að mæla með tóbakinu, en þetta er komið út fyrir allt, þessi tillaga þeirra.
mbl.is Tóbak verði bara selt í apótekum
Tilkynna um óviðeigandi tengingu við frétt

Karlmenn ...

Æææ, þar fór Frakkinn heldur betur í hundana  LoL
mbl.is Eiginkonan reyndist vera tveir nígerískir karlar
Tilkynna um óviðeigandi tengingu við frétt

Enga vinnu að fá ... ?

Ég hef verið að velta því fyrir mér varðandi þá vinnu sem átti að bjóða námsmönnum að sækja um. Átta - níuhundruð auglýst störf í blöðunum, þessi störf virðast eingöngu vera fyrir háskólanemendur. Sonur minn 22 ja ára og er enn í framhaldskóla fær ekki vinnu í sumar, hann er búinn að senda inn umsóknir til tuga fyrirtækja á höfuðborgarsvæðinu með ferilskrá hans, en engin svör.

Frétti af dóttur starfsfélaga míns, stúlkan er á 18 ári og er búin að vinna hjá Krónunni með skólanum frá því hún var 15 ára, en í sumar fær hún ekki vinnu hjá Krónunni, þó er hún búin að vinna hjá Krónunni flestar helgar í vetur með skólanum.

Það heyrist ekkert um það hvort ástandið sé orðið svo slæmt á vinnumarkaðnum, að unglingarnir okkar sem eru full vinnufærir fái ekki vinnu í sumar. Á þetta fólk að mæla göturnar í sumar, þar sem það er ekki komið í háskóla ? 

Hvaða vanda er verið að skapa í þessu þjóðfélagi ?


Vel að orði komist hjá félagsmálaráðherra...

Ég er svo hjartanlega sammála Árna Páli félagsmálaráðherra þegar hann kallar Einar K. Guðfinnsson klappstýru hrunsins á þinginu.

Hvað voru þessir menn að hugsa eins og Einar K. Guðfinnson þegar útrásarvíkingarnir stigu darraðardansinn ?  Núna fá heimilin heldur betur að súpa seyðið af þeirri stjórn sem þá var við völd. Einar K. Guðfinnsson og hans menn í Sjálfstæðisflokknum ættu ekki að vera að setja sig á háan hest núna, þegar þjóðarskútan er að sökkva og öll heimilin og fjölskyldurnar í landinu með. Við sem eftir verðum hér á landinu fáum að borga brúsann, fleiri fleiri fjölskyldur eru farnar úr landi og enn eru fjölskyldur að flýja Ísland.  Hvað finnst Einari K. Guðfinnssyni alþingismanni um það ?


mbl.is Klappstýra hrunsins
Tilkynna um óviðeigandi tengingu við frétt

Löngu komin tími til að taka á þessu...

Í Vancouver BC í Kanada er það nú bara þannig að þar fær fólk ekki að versla sér tjaldvagn,fellihýsi eða hjólhýsi nema geta sýnt það á pappírum að það eigi bíl sem getur dregið þessi tæki. Það er löngu kominn tími á það að taka á þessum málum hér. Það eru 3-4 ár síðan ég var í Kanada og þá vorum við spurð og þurftum að sýna fram á það að bílinn okkar réði við hjólhýsið sem við vorum að kaupa okkur. Þannig er það nú þa,r og ætti að vera búið að setja þetta í lög hér á Íslandi fyrir löngu síðan ( kannski er þetta komið í lög, en ekkert verið gert í því ) ótrúlegt hvað við hér heima erum aftanlega á merinni í svo mörgu. Það er eins og það skipti ekki okkur máli að leggja áherslu á þá hluti og breyta þeim til batnaðar, sem virkilega þarf að laga hér heima. Er lögreglan kannski búin að vera í sandkassaleik eins og ríkisstjórnin í dag og undanfarnar vikur ? Maður spyr sig.

Lifið heil og passið ykkur í umferðinni,þið sem eruð að ferðast. Það er ekkert grín að lenda í árekstri og ég tala nú ekki um við bíla með með alltof þung útilegutæki í eftirdragi, og sem bíll viðkomandi ræður engan vegin við t.d.  Wink


mbl.is Kyrrsettu tjaldvagninn
Tilkynna um óviðeigandi tengingu við frétt

Tíminn líður hratt... :)

Það er alveg ótrúlegt hvað tíminn líður hratt. Ég trúi því bara ekki að ég verði fimmtug eftir akkúrat eitt ár í dag. Wink Smile   En í dag er ég víst orðin 49 ára og ætla að taka því rólega í dag, enda var ég að koma af næturvakt og fer á aðra næturvakt næstu nótt. Wink   En hvað ég geri 24.maí 2010 á eftir að koma í ljós, kannski að ég skelli mér bara í Karapískahafið í siglingu, er búin að fara í eina slíka ferð og hefði sko ekki á móti því að upplifa það aftur.Smile   En núna er ég farin að sofa og læt mig dreyma um hvar ég verð stödd eftir eitt ár, frá deginum í dag  Wink

ESB aðild.

Ég held að það sé nokkuð ljóst miðað við það sem stendur í þessari frétt og hvernig þessi aðild er sett upp, að þá gengur Evrópa aldrei í Ísland.
mbl.is ESB-tillagan birt
Tilkynna um óviðeigandi tengingu við frétt

Is it true...

Ég fylgdist spennt með keppninni í gærkvöldi og verð að segja það hér að ég var með það á tilfinningunni að Ísland myndi ná langt, en var ekki alveg búin að sjá það að við lentum í 2 sæti. Til hamingju með þennan frábæra árangur Jóhanna og bakraddarfólk. Norska lagið var frábært og flytjandinn mikill listamaður, frábært að sjá hann spila á fiðluna sína. Noregur til hamingju með sigurinn!Smile

Veðrið er aldeilis flott og gott í dag, 20 stiga hiti og heiðskýrt. Esjuplanið gjörsamlega troðfullt af bílum og meira en það. Nú er bara að koma sér í gönguskóna og arka af stað, enda góður frídagur í dag. Morgunvakt til 12 á hádegi á morgun 18.maí og síðan næturvakt um miðnætti. Góðir vinir nær og fjær, eigið góðan dag, ég sakna ykkar Wink


Of mikil eyðsla endar illa

Steingrímur J. Sigfússon fjármálaráðherra er ekki að segja okkur neitt nýtt, síður en svo. Það er fullt til af fólki sem kann að fara með peninga, þetta sama fólk er búið að tapa öllu sínu, þar er ég á meðal.  Hvað er með þá fjárglæframenn sem tóku stór lán aftur og aftur og þjóðin var í ábyrgð fyrir ?  Á að bíða fram yfir kosningar, og þá geta þessir fjárglæframenn, ef stóru flokkarnir verða við stjórn þá, komið og keypt allt það upp sem verður komið á brunaútsöluna hjá okkur hér á landi, bankarnir o.fl. ?  Þessir menn sem settu landið á hausinn eru nefnilega með peningana tilbúna við þröskuldinn, þeir bíða eftir því að komast í feita bitann hér heima. Er það þetta sem við viljum sjá gerast eftir kosningarnar ?  Viljum við sjá Hollywood Ísland aftur, sem verður þannig eftir t.d. bara fimm ár ef þeir sem settu okkur á hausinn fá að ganga lausir og verða ekki látnir svara til saka og settir á bak við lás og slá.

Hvað er að þessari ríkisstjórn sem er við völd núna ? Hvað eru þau að hugsa Steingrímur J. og Jóhanna Sigurðardóttir ?  Af hverju er ekkert gert í þessu hruni  á landinu okkar ?  Því ganga fjárglæframennirnir enn lausir ? 

Viðskiptaráðherra segir að við þurfum að fá erlent fjámagn inn í landið. Hvaðan á það fjármagn að koma, frá þessum fjárglæframönnum ? Á að plata okkur aftur ?

NEI !  Það má ekki gerast að stóru flokkarnir verði kosnir til valda aftur, við íslendingar erum búin að þurfa að þola nóg.´

X við L - listann -  kjósum lýðræði - kjósum lausnir.


mbl.is Of mikil eyðsla endar illa
Tilkynna um óviðeigandi tengingu við frétt

Framsókn + lækkun vaxta = ?

Ég verð bara að segja það eins og er, að ég er orðin mjög efins með það hvað Framsóknarflokkurinn er að hugsa í dag og eða hvort honum sé yfir höfuð treystandi.  Ég held að þetta sé eitt af kosningarbrellunum hjá þeim að óska eftir því að vextir verði lækkaðir strax. Hvað haldið þið ? Ég geri mér mjög vel grein fyrir því að eitthvað verður að gera og það strax til að hjálpa fólkinu og fyrirtækjunum sem eru að fara á hausinn, og er ég reyndar búin að benda á það lengi, að eitthvað verður að gera hér í þjóðfélaginu. En svo allt í einu koma Framsóknarmenn núna og segja að það sé nauðsynlegt að lækka vextina. Af hverju eru þeir ekki búnir að koma með þessa tillögu fyrir löngu síðan ? 
mbl.is Vextir lækki strax
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband